«Пари Сен-Жермен» ярим ҳимоячи Сенни Меюлю билан шартномани узайтириш ниятида. Париж гранди раҳбарияти 19 ёшли футболчига 2030 йилгача мўлжалланган янги битим таклиф қилади, дея хабар бермоқда инсайдер Фабрис Хокинс. Истиқболли французга бошқа Европа клублари томонидан жиддий қизиқишлар бўлаётганига қарамай, у жамоани тарк этиш ниятида эмас.
Яқинда «ПСЖ» ярим ҳимоячи Жоау Невеш, ҳужумчи Усмон Дембеле ва вингер Брэдли Баркола билан ҳам келишувларни узайтирмоқчи эканлиги маълум бўлган эди.
Сенни Меюлю жорий мавсумда Луис Энрике жамоаси сафида 28 та ўйинда майдонга тушиб, ўз ҳисобига тўртта гол ва бешта голли узатмани ёздириб қўйди.
