«Барселона» ҳимоячиси Жоау Канселу жамоа бош мураббийи Ҳанс-Дитер Флик ҳақида ўз фикрлари билан ўртоқлашди.
Каталония клуби португалиялик футболчини қишки трансфер ойнасида Саудиянинг «Ал-Ҳилол» клубидан ижарага олган эди. Келишув мавсум якунига қадар мўлжалланган.
«Флик — фаолиятимдаги энг талабчан мураббий, лекин бу менга ёқади. Мен бундай чақириқларни ва максимал даражада куч бериб ишлашни яхши кўраман. Ҳанси мендан доимий равишда дриблинг ишлатишни ва вазиятни кескинлаштиришни талаб қилади, мен эса бунга қодир эканимни биламан», — деди Канселу.
