"Милан" бош мураббийи Массимилиано Аллегрининг ёрдамчиси Марко Ландуччи "россонерилар"нинг "Парма"дан учраган мағлубияти юзасидан ўз фикрларини билдирди.
Милан жамоаси Италия чемпионатининг 26-тури доирасида кечган уй учрашувида сенсацион тарзда имкониятни бой берди.
"Рақиб ҳимояга чуқур жойлашиб олганда бизга қийин бўлади. Биз ҳаддан ташқари кўп узатмаларни амалга оширдик, аммо жарима майдончаси ичида уларни қабул қилувчини топа олмадик. Рақиб шундай зич ҳимояланганда, вазиятлар яратиш биз учун ҳақиқатан ҳам анча мураккаб бўлади", — деди Ландуччи.
Айни дамда "Милан" А Серия турнир жадвалида 54 очко билан иккинчи ўринда бормоқда. "Россонерилар" пешқадам "Интер"дан 10 очко ортда қолмоқда.
