Ҳимоячи Уэсли Фофана шу ёзда «Челси»ни тарк этиши мумкин.
TopSkills Sports UK нашри берган маълумотларга кўра, франциялик футболчи кечаги «Бёрнли»га қарши ўйиндан сўнг Лондон клубидан кетишга қарор қилган. Мазкур баҳсда Фофана майдондан четлатилган, шунингдек, у мухлислар томонидан ирқчилик характердаги ҳақоратларга нишон бўлган. «Челси» раҳбарияти Фофананинг трансфери бўйича келадиган таклифларни кўриб чиқишга тайёр.
Уэсли Фофана 2022 йилда «Лестер»дан 80 миллион евро эвазига «Челси»га ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда ҳимоячи лондонликлар сафида барча турнирларда 26 та ўйинда иштирок этиб, ўз ҳисобига иккита голли узатмани ёздириб қўйди.
