Himoyachi Uesli Fofana shu yozda «Chelsi»ni tark etishi mumkin.
TopSkills Sports UK nashri bergan ma’lumotlarga ko‘ra, fransiyalik futbolchi kechagi «Byornli»ga qarshi o‘yindan so‘ng London klubidan ketishga qaror qilgan. Mazkur bahsda Fofana maydondan chetlatilgan, shuningdek, u muxlislar tomonidan irqchilik xarakterdagi haqoratlarga nishon bo‘lgan. «Chelsi» rahbariyati Fofananing transferi bo‘yicha keladigan takliflarni ko‘rib chiqishga tayyor.
Uesli Fofana 2022 yilda «Lester»dan 80 million yevro evaziga «Chelsi»ga o‘tgan edi. Uning amaldagi shartnomasi 2029 yilning 30 iyuniga qadar mo‘ljallangan. Joriy mavsumda himoyachi londonliklar safida barcha turnirlarda 26 ta o‘yinda ishtirok etib, o‘z hisobiga ikkita golli uzatmani yozdirib qo‘ydi.
