«Реал» дарвозабони Тибо Куртуа Чемпионлар лигаси плей-офф босқичининг илк учрашуви доирасида «Бенфика»га қарши кечган можароли ўйин тафсилотларини сўзлаб берди. Лиссабондаги баҳсда «қаймоқранглилар» ҳужумчиси Винисиус Жуниор «Бенфика» форварди Жанлука Престианнини ирқчилик руҳидаги ҳақоратларда айблаган эди. Шундан сўнг, «Реал» футболчилари майдонга қайтишдан бош тортгани сабабли ўйин вақтинча тўхтатилганди.
"Бенфика"га қарши ўйинни давом эттиришимиз кераклиги ҳақидаги қарорни айнан Винисиус қабул қилди. Агар у майдонни тарк этишга қарор қилганида, ҳаммамиз бирга чиқиб кетган бўлардик", — дея Куртуанинг ўйин олдидан ўтказилган матбуот анжуманидаги сўзларидан иқтибос келтирмоқда таниқли журналист Фабрицио Романо ўзининг Telegram-каналида.
Эслатиб ўтамиз, «Реал» Португалиядаги баҳсда Винисиуснинг голи эвазига 1:0 ҳисобида ғалаба қозонган эди. Жавоб учрашуви чоршанба куни, 25 февраль куни Мадридда бўлиб ўтади.
