«Ан-Наср» жамоаси Саудия Арабистони чемпионати 10-турининг қолдирилган баҳсида сафарда «Ал-Нажма» устидан 5:0 ҳисобида ғалаба қозонди.
Меҳмонлар таркибида «Барселона»нинг собиқ ҳимоячиси Иньиго Мартинес дублга эришди. У 42 ва 80-дақиқаларда ўз номини таблога ёздириб қўйди. Криштиану Роналду 7-дақиқада пенальтини аниқ амалга оширган бўлса, 52-дақиқада Садио Манега голли узатма етказиб берди. Яна бир гол Кингсли Коман (31-дақиқа) ҳисобига ёзилди.
Ушбу муваффақиятдан сўнг «Ан-Наср» (58 очко) қаторасига 11-ғалабасини қўлга киритди ва турнир жадвалида биринчи ўринга кўтарилиб олди. «Ал-Нажма» эса 8 очко билан охирги ўринда қолмоқда.
Саудия Арабистони Про-лигаси. 10-тур
26.02.2026 | 00:00
«Al-Najma Club Stadium», Унайза
«АЛ-НАЖМА» — «АН-НАСР» — 0:5
Голлар: Криштиану Роналду 7 - пенальтидан (0:1), Коман 31 (0:2), Иньиго Мартинес 42 (0:3), Мане 52 (0:4), Иньиго Мартинес 80 (0:5).
«Ал-Нажма»: Виктор Брага (Ал-Анзи, 38), Самир, Ал-Халил (Ал-Фатиль, 46), Витао, Ал-Хавсави, Ал-Араби, Гуга, Тиянич (Давран, 77), Ясим, Ал-Тулайхи (Бутобба, 62), Лазару (Ал-Дубай, 46).
«Ан-Наср»: Бенту, Симакан, Ал-Амри, Иньиго Мартинес, Ал-Бушал, Брозович (Ал-Хассан, 64), Ал-Хаибари, Жоау Феликс (Ал-Хамдан, 57), Мане (Яхья, 57), Коман (Маран, 64), Криштиану Роналду (Гариб, 57).
Огоҳлантиришлар: Ал-Хавсави (6), Ал-Араби (27) — Мане (26).
