«An-Nasr» jamoasi Saudiya Arabistoni chempionati 10-turining qoldirilgan bahsida safarda «Al-Najma» ustidan 5:0 hisobida g‘alaba qozondi.
Mehmonlar tarkibida «Barselona»ning sobiq himoyachisi Inigo Martines dublga erishdi. U 42 va 80-daqiqalarda o‘z nomini tabloga yozdirib qo‘ydi. Krishtianu Ronaldu 7-daqiqada penaltini aniq amalga oshirgan bo‘lsa, 52-daqiqada Sadio Manega golli uzatma yetkazib berdi. Yana bir gol Kingsli Koman (31-daqiqa) hisobiga yozildi.
Ushbu muvaffaqiyatdan so‘ng «An-Nasr» (58 ochko) qatorasiga 11-g‘alabasini qo‘lga kiritdi va turnir jadvalida birinchi o‘ringa ko‘tarilib oldi. «Al-Najma» esa 8 ochko bilan oxirgi o‘rinda qolmoqda.
Saudiya Arabistoni Pro-ligasi. 10-tur
26.02.2026 | 00:00
«Al-Najma Club Stadium», Unayza
«AL-NAJMA» — «AN-NASR» — 0:5
Gollar: Krishtianu Ronaldu 7 - penaltidan (0:1), Koman 31 (0:2), Inigo Martines 42 (0:3), Mane 52 (0:4), Inigo Martines 80 (0:5).
«Al-Najma»: Viktor Braga (Al-Anzi, 38), Samir, Al-Xalil (Al-Fatil, 46), Vitao, Al-Xavsavi, Al-Arabi, Guga, Tiyanich (Davran, 77), Yasim, Al-Tulayxi (Butobba, 62), Lazaru (Al-Dubay, 46).
«An-Nasr»: Bentu, Simakan, Al-Amri, Inigo Martines, Al-Bushal, Brozovich (Al-Xassan, 64), Al-Xaibari, Joau Feliks (Al-Xamdan, 57), Mane (Yaxya, 57), Koman (Maran, 64), Krishtianu Ronaldu (Garib, 57).
Ogohlantirishlar: Al-Xavsavi (6), Al-Arabi (27) — Mane (26).
