Иордания миллий терма жамоаси бугун Сурияга қарши бўлиб ўтган Осиё кубоги-2015 саралаш баҳсида дуранг натижа қайд этди. "А" гуруҳи вакилларининг ушбу ўйин нейтрал майдон — Теҳронда бўлиб ўтди.
Учрашувнинг биринчи бўлимида дарвозаларга гол киритилмаган бўлса, иккинчи бўлим бошида сурияликлар ҳисобни очишди. Ҳуссам Ҳассан шогирдлари эса орадан 10 дақиқа ўтиб ҳисобни тенглаштиришди.
Ушбу дурангдан кейин Иорданиянинг очколари 4тага етди. Уммон эса 6 очко билан пешқадамлик қиляпти. Сурия 1 очко билан учинчи ўринни эгаллаб турган бўлса, гуруҳ аутсайдери Сингапур 2 ўйиндан очко йўлга кирита олмади.
Мазкур ўйинни Ўзбекистон миллий терма жамоаси ёрдамчи мураббийи Шуҳрат Мақсудов стадиондан туриб кузатди. Миллий терма жамоамиз 6 ва 10 сентябрь кунлари Иордания билан ЖЧ-2014 саралаш плей-офф баҳсида иштирок этади.
Иордания терма жамоаси бугун қуйидаги таркибда ҳаракат қилди.
Осиё кубоги-2015 саралаш. "А" гуруҳи, 2-тур
Сурия - Иордания - 1:1
Иордания: Лоъал эл-Амайрайҳ, Муҳаммад Мустафо Ҳассан Али, Сайид Муржан, Амир Дийб (С), Аднан Сулаймон, Аҳмад Хайел, Мусъаб Ал-Лаҳҳам, Шоди Абу Ҳашҳаш, Анас Бан Ёсин, Муҳассад ал-Дмейрий, Одай Заҳран
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Уммон | 2 | 2 | 0 | 0 | 3-0 | 6 |
| 2 | Иордания | 2 | 1 | 1 | 0 | 5-1 | 4 |
| 3 | Сурия | 2 | 0 | 1 | 1 | 1-2 | 1 |
| 4 | Сингапур | 2 | 0 | 0 | 2 | 0-6 | 0 |
