Нидерландиялик мутахассис Кор Пот футбол бўйича Кюрасао терма жамоаси бош мураббийи ёрдамчиси лавозимини тарк этганига изоҳ берди.
Аввалроқ Кюрасао терма жамоаси бош мураббийи Дик Адвокат қизининг соғлиғидаги муаммолар сабабли истеъфога чиққан эди. Пот ҳам миллий жамоани Адвокат билан бирга тарк этди.
"Бу қарор (Кюрасао терма жамоасидан кетиш) мен учун қийин бўлмади, чунки бирга бошлаган бўлсанг, бирга тугатасан. Жаноб Адвокатнинг ҳозирда соғлиғи жойида", — деди Пот Odds.ru нашрига берган интервьюсида.
Июнь ойида Кюрасао терма жамоаси ўз тарихида илк бор Жаҳон чемпионатида иштирок этади. Улар гуруҳ босқичида Германия, Кот-д'Ивуар ва Эквадор терма жамоаларига қарши баҳс олиб боришади.
