"Манчестер Сити" ҳужумчиси Эрлинг Холанд жамоа бош мураббийи Пеп Гвардиола билан бирга ишлашнинг аҳамияти ҳақида гапирди.
"Атрофимдаги яхши инсонлар ҳақида гапирганда, мен нафақат дўстларим ва яқинларимни, балки клубдаги инсонларни ҳам назарда тутаман. Шундай кўплаб яхши инсонлар жам бўлган клубда ва бизни ҳар куни руҳлантириб турадиган Пеп билан бирга эканимдан омадим келган.
Пеп билан уч ярим йилдан бери бирга ишлаётганимдан мамнунман. Бу ажойиб вақт бўлди ва келажакда нима бўлишидан қатъи назар, биз олдинга интилишда давом этишимиз керак. Мен барибир ўзимни ва атрофимдагиларни ривожланишга ундашим лозим..." — деди Холанд TNT Sports телеканалига берган интервьюсида.
