Леон Горецка ёзда «Бавария»ни тарк этади ва эркин агент мақомига эга бўлади. Айтиш мумкинми, 31 ёшли футболчида фаолиятини давом эттириш бўйича кўплаб вариантлар мавжуд. Журналист Кристиан Фалькнинг маълумотларига кўра, Горецкага қизиқиш билдираётган клублар қаторига «Интер» ҳам киради.

Шунингдек, матбуотда аввалроқ хабар берилганидек, Горецка «Арсенал», «Тоттенхэм» ва «Байер» клубларининг ҳам эътиборида турибди.

Леон Горецка ҳозиргача бошқа мамлакат клубларида тўп сурмаган. Ўзининг ватани Германияда ярим ҳимоячи «Бохум», «Шальке» ва «Бавария» жамоаларида ўйнаган.

«Бавария» Бундеслигада ишонч билан пешқадамлик қилмоқда. Шанба куни, 28 февраль куни мюнхенликлар сафарда Дортмунднинг «Боруссия» клубига қарши майдонга тушадилар.