Ҳужумчи Муҳаммад Салоҳ «Ливерпуль»дан кетиши ҳақидаги доимий миш-мишлар фонида хотиржамликни сақламоқда. Агар ёзда Саудия Арабистонига трансфер амалга ошмаса, мисрлик футболчи «Энфилд»даги шартномасининг қолган қисмини охиригача ўтаб беришга тайёр. Бу ҳақда «Football Insider» маълумотига таяниб «Transfer News Live» хабар бермоқда.
Айни дамдаги амалдаги шартнома 33 ёшли Салоҳни «Ливерпуль» билан 2026/2027 йилги мавсум якунига қадар боғлаб туради.
Муҳаммад Салоҳ «Ливерпуль» сафида жами 429 та расмий ўйин ўтказган. Ушбу баҳсларда ҳужумчи ўз ҳисобига 252 та гол ва 121 та голли узатмани ёздириб қўйган. «Transfermarkt» портали мисрлик футболчини 30 миллион еврога баҳоламоқда.
