Шу йилнинг 26 сентябрь - 6 октябрь кунлари Хитойнинг Нанкин шаҳрида бўлиб ўтадиган U-16 ўсмир қизлар ўртасидаги Осиё чемпионати финал босқичи ўйинларининг бошланиш вақтлари тасдиқланди.

Хабарингиз бор, U-16 ўсмир қизлар ўртасидаги Осиё чемпионати баҳсларида Гулнора Аъзамова бошчилигидаги Ўзбекистон U-16 қизлар терма жамоаси ҳам иштирок этади. Аъзамова шогирдлари мусобақанинг «С» гуруҳида Таиланд ҳамда Жанубий Корея терма жамоаларига қарши тўп суради. Маълумот учун, Осиё чемпионати финал босқичида жами 12 терма жамоа 4 гуруҳга бўлинган ҳолда иштирок этади. Гуруҳ ғолиблари тўғридан-тўғри ярим финалга йўлланма олишади. Осиё чемпионати финалчилари ва учинчи ўрин соҳиби эса, 2014 йили Коста-Рикада бўлиб ўтадган U-17 ўсмирлар ўртасидаги жаҳон чемпионати баҳсларига йўлланма олишади.

Эслатиб ўтамиз, Осиё чемпионати финал босқичига тайёргарлик кўраётган Ўзбекистон U-16 қизлар терма жамоаси 2-8 август кунлари Иорданияда ўқув-машғулот йиғинини ўтказди ва иорданиялик ўсмир қизларга қарши ўртоқлик учрашувида майдонга тушди.

U-16 ўсмир қизлар ўртасидаги Осиё чемпионати. Финал босқичи
Нанкин (Хитой). 26 сентябрь - 6 октябрь

«А» гуруҳи
Хитой
Австралия
Баҳрайн

«В» гуруҳи
КХДР
Хитой Тайпейи
Иордания

«С» гуруҳи
Жанубий Корея
Таиланд
Ўзбекистон

«D» гуруҳи
Япония
Эрон
Гуам

Ўзбекистон U-16 терма жамоаси иштирокидаги ўйинлар:

26 сентябрь. «Jiangsu Football» стадиони. (Бошланиш вақти: 13:30)
Ўзбекистон U-16 - Жанубия Корея U-16

28 сентябрь. «Jiangsu Football» стадиони. (Бошланиш вақти: 11:00)
Ўзбекистон U-16 - Таиланд U-16

Ўйинларнинг бошланиш соатлари Тошкент вақтида кўрсатилган.