"Арсенал" устози Микель Артета унинг шогирдлари Премьер-лига чемпионлиги учун курашда асабийлашаётгани ёки йўқлиги борасидаги саволга жавоб қайтарди.
"Мен олдинда турган курашда ўзига бўлган ишонч, иштиёқ ва ғалабага бўлган ирода белгиларини кўришни истайман. Ҳар куни жамоада айнан мана шу хусусиятларни кўряпман", — деди Артета жума кунги матбуот анжуманида журналистларга.
"Арсенал" айни дамда Премьер-лига турнир жадвалида пешқадамлик қилмоқда ва иккинчи ўриндаги "Манчестер Сити"ни беш очкога ортда қолдиряпти. Шу билан бирга, "канонирлар" битта кўп ўйин ўтказишган.
Маълумот учун, "Арсенал" охирги марта 2004 йилда Англия чемпиони бўлган эди. Ўшанда жамоа Премьер-лига мавсумини бирор марта мағлубиятга учрамасдан якунлаган.
