Эртага Қиргулидаги “Нефтчи СК” стадионида олий лига 16-туридан ўрин олган “Нефтчи” – “Бухоро” жамоалари ўртасидаги ўйин бўлиб ўтади. 

Ушбу рақиб “Нефтчи” учун бегона эмас. Жамоалар шу кунга 41 марта тўқнаш келишган. Ўйинларнинг 31 тасида “Нефтчи” ғалаба қозонган. Саккиз учрашувда “Бухоро”нинг қўли баланд келган. Иккита баҳсда ғолиб номи аниқланмаган. Тўплар нисбати 93-34, фарғоналиклар фойдасига. Ўзаро ўйинларда жамоамиз 95 очко жамғарган. “Бухоро”нинг бу борадаги кўрсаткичи 26 га тенг.

Шуни айтиш жоизки, “Бухоро” Фарғонадаги ўйинларда умуман ғалаба қозона олмаган.

Фарғонада ўтказилган

сўнгги бешта учрашув:

01.07.2012

Нефтчи  - Бухоро - 3:1 (1:0)

25.08.2011

Нефтчи – Бухоро - 2:0 (1:0)

26.09.2009

Нефтчи  -  Бухоро - 3:1 (1:0)

30.06.2008

Нефтчи  - Бухоро - 2:0 (1:0)

09.06.2007

Нефтчи  - Бухоро - 4:0 (1:0)

Ҳакамлар

“Нефтчи” – “Бухоро” баҳсини Ҳасан Рўзиев бошчиқлигидаги ҳакамлар бошқариб борадиган бўлишди.

«Нефтчи» (Фарғона) – «Бухоро» (Бухоро)

Ҳакамлар: Ҳ. Рўзиев (Тошкент), Ф. Ҳасанов (Наманган), Р. Шояҳметов (Тошкент), Ш. Бозоров (Наманган).

Назоратчи: Р. Мўминов (Тошкент).

Ўйин эртага соат 17:00 бошланади.