"Барселона"нинг 18 ёшли ҳужумчиси Ламин Ямал клуб ва терма жамоа миқёсидаги фаолияти давомида гол+пас тизимида 100 талик натижага эришди (жами 166 та ўйинда). Ушбу кўрсаткич Испания Ла Лигаси 2025/2026 йилги мавсумининг 26-туридан ўрин олган "Вильярреал"га қарши учрашувда қайд этилди. "Кўк-анорранглилар" баҳсда 4:1 ҳисобида ғалаба қозонди.
Футболчи ўйинда хет-трик қайд этди. Эндиликда унинг ҳисобида жами 49 та гол ва 52 та голли узатма мавжуд.
Жорий мавсумда Ямал клуб сафида барча турнирларда 31 та ўйинда майдонга тушиб, 16 та гол урди ва 13 та голли узатмага муаллифлик қилди.
