"Комо" бош мураббийи Сеск Фабрегас футболчилик фаолияти давомида "Челси"да тўп сурган даврларини ёдга олди.
"Ҳаётимда ҳеч қачон "Челси"да ўйнаганимдан афсусланмайман. Мен доим "Челси" ва ушбу клубда ўтказган вақтларим ҳақида, эҳтимол, фаолиятимдаги энг тўғри қарор сифатида гапираман", — деди Фабрегас "Mirror" нашрига берган интервьюсида.
Сеск Фабрегас 2014 йилдан 2019 йилгача "Челси" шарафини ҳимоя қилган. У "кўклар" сафида жами 198 та ўйин ўтказиб, 22 та гол урган ва 57 та голли узатмани амалга оширган. Лондон клуби таркибида испаниялик футболчи икки бор АПЛ ғолиби бўлган, шунингдек, бир мартадан Англия Кубоги, Лига Кубоги ва Европа Лигасида зафар қучган.
