Мадриднинг "Реал" клуби бош мураббийи Альваро Арбелоа ҳужумчи Винисиус Жуниорнинг спорт формасини яхшилаш учун нималар қилгани ҳақида гапириб берди.
Мутахассис жамоани 13 январда қабул қилиб олган эди. Ўшандан бери ўтган давр мобайнида бразилиялик вингер барча мусобақалардаги 10 та ўйинда 7 та гол урди ва 3 та голли узатмани амалга оширди.
"Бунда асосий хизмат — фантастик футболчи бўлган Винининг ўзига тегишли. Мен унга катта дастак бераман, кўп эътибор қаратаман ва жамоадошларини майдонда уни кўпроқ қидиришга тўп билан таъминлашга, унинг кучли томонларидан фойдаланишга ундайман. У — ўйин тақдирини ҳал қилувчи ва жамоанинг калит футболчисидир. Мураббий сифатида мен уни майдоннинг турли нуқталарида ва вазиятларида самарали ишлатишга эътибор қаратаман", — дея Арбелоанинг сўзларини келтиради AS нашри.
