Madridning "Real" klubi bosh murabbiyi Alvaro Arbeloa hujumchi Vinisius Juniorning sport formasini yaxshilash uchun nimalar qilgani haqida gapirib berdi.
Mutaxassis jamoani 13 yanvarda qabul qilib olgan edi. O‘shandan beri o‘tgan davr mobaynida braziliyalik vinger barcha musobaqalardagi 10 ta o‘yinda 7 ta gol urdi va 3 ta golli uzatmani amalga oshirdi.
"Bunda asosiy xizmat — fantastik futbolchi bo‘lgan Vinining o‘ziga tegishli. Men unga katta dastak beraman, ko‘p e’tibor qarataman va jamoadoshlarini maydonda uni ko‘proq qidirishga to‘p bilan ta’minlashga, uning kuchli tomonlaridan foydalanishga undayman. U — o‘yin taqdirini hal qiluvchi va jamoaning kalit futbolchisidir. Murabbiy sifatida men uni maydonning turli nuqtalarida va vaziyatlarida samarali ishlatishga e’tibor qarataman", — deya Arbeloaning so‘zlarini keltiradi AS nashri.
