"Тоттенхэм" Премьер-лигадаги ғалабасиз сериясини 10 та ўйинга етказди.
Мураббий Игор Тудор жамоаси АПЛнинг 28-турида сафарда "Фулхэм"га имкониятни бой берди (1:2).
"Шпорлар" 28 декабрдан бери ғалаба қозона олишмаяпти — ўшанда "Кристал Пэлас" мағлуб этилган эди (1:0). Ўшандан бери жамоа 6 марта мағлубиятга учради (шу жумладан, кетма-кет 4 та мағлубият) ва 4 марта дуранг ўйнади.
Англия чемпионатида 10 та ўйинлик ғалабасиз серия 1994 йилдан бери кузатилмаган эди. Ўшанда жамоани Освальдо Ардилес бошқарган.
Бундан ташқари, Томас Франкнинг ўрнини эгаллаган Тудор 2004 йилдан бери АПЛдаги дастлабки иккита ўйинида мағлуб бўлган "Тоттенхэм"нинг биринчи мураббийига айланди. Ўшанда бу натижа Мартин Йол томонидан қайд этилган эди.
5 март куни 28 ўйиндан кейин 29 очко билан лигада 16-ўринни эгаллаб турган "Тоттенхэм" ўз майдонида "Кристал Пэлас"ни қабул қилади. "Шпорлар"ни хавфли ҳудуддан (қуйи лигага тушиб кетиш зонасидан) атиги 4 очко ажратиб турибди.
