"Tottenxem" Premyer-ligadagi g‘alabasiz seriyasini 10 ta o‘yinga yetkazdi.

Murabbiy Igor Tudor jamoasi APLning 28-turida safarda "Fulxem"ga imkoniyatni boy berdi (1:2).

"Shporlar" 28 dekabrdan beri g‘alaba qozona olishmayapti — o‘shanda "Kristal Pelas" mag‘lub etilgan edi (1:0). O‘shandan beri jamoa 6 marta mag‘lubiyatga uchradi (shu jumladan, ketma-ket 4 ta mag‘lubiyat) va 4 marta durang o‘ynadi.

Angliya chempionatida 10 ta o‘yinlik g‘alabasiz seriya 1994 yildan beri kuzatilmagan edi. O‘shanda jamoani Osvaldo Ardiles boshqargan.

Bundan tashqari, Tomas Frankning o‘rnini egallagan Tudor 2004 yildan beri APLdagi dastlabki ikkita o‘yinida mag‘lub bo‘lgan "Tottenxem"ning birinchi murabbiyiga aylandi. O‘shanda bu natija Martin Yol tomonidan qayd etilgan edi.

5 mart kuni 28 o‘yindan keyin 29 ochko bilan ligada 16-o‘rinni egallab turgan "Tottenxem" o‘z maydonida "Kristal Pelas"ni qabul qiladi. "Shporlar"ni xavfli hududdan (quyi ligaga tushib ketish zonasidan) atigi 4 ochko ajratib turibdi.