Германия терма жамоаси бош мураббийи Юлиан Нагельсманн Жаҳон чемпионати арафасида дарвозабон Марк-Андре тер Штегеннинг ҳолати бўйича ўз фикрлари билан ўртоқлашди.
Германиялик посбон бир қатор жароҳатлардан сўнг «Барселона» асосий таркибидаги ўрнини йўқотган эди, шу сабабли қишки трансфер ойнасида ўйин амалиётига эга бўлиш учун «Жирона»га ижарага йўл олди. Бироқ кўп ўтмай, 33 ёшли футболчи яна бир жиддий жароҳат олди.
«Шубҳасиз, бу тер Штеген учун жуда фожиали вазият — оддийгина ҳаракат жароҳатга олиб келди. Унинг терма жамоадаги фаолияти тарихини ҳисобга олсак, айнан ҳозир унинг асосий дарвозабон бўладиган вақти келган эди.
Китоб ҳали тўлиқ ёпилгани йўқ, аммо ҳаммасини синчиклаб ўйлаб кўриш керак. Шуни ҳам инобатга олиш лозимки, у ушбу жароҳатига қадар ҳам деярли бир йил давомида майдонга тушмаган эди», — деди Нагельсманн.
Эслатиб ўтамиз, Жаҳон чемпионати шу йилнинг июнь-июль ойларида АҚШ, Канада ва Мексикада бўлиб ўтади.
