Лондоннинг «Арсенал» клуби ҳимоячиси Габриэль Магальяйнс АПЛ 28-тури доирасида «Челси»га қарши кечган қийин ўйиндаги ғалабадан сўнг жамоадошларини мақтади. Учрашув 2:1 ҳисобида якунланди ва «канонирлар» ўзларининг мағлубиятсиз сериясини 9 та ўйинга етказиб олишди.

«Бу чинакам катта учрашув бўлди, шунинг учун 3 очкони қўлга киритганимиздан жуда хурсандман. Майдондаги ҳар бир футболчи ақл бовар қилмас даражада ўйнади. Бизни нима кутаётганини билардик, айниқса, ҳамманинг кўрсатган фидойилиги ва бор кучи билан ҳаракат қилганидан мамнунман», — дея Габриэлнинг сўзларини келтиради «Арсенал» расмий сайти.

Эслатиб ўтамиз, «Арсенал» турнир жадвалида биринчи ўринда бормоқда. Ушбу ғалабадан сўнг Микель Артета шогирдлари ҳисобидаги очколар сони 64 тага етди.