Испаниянинг Diario AS нашри "Реал" ярим ҳимоячиси Жуд Беллингемнинг қачон сафга қайтиши мумкинлиги ҳақида маълум қилди.
Мадрид клубининг асосий ўйинчиларидан бири апрель ойи бошига келиб жароҳатидан тўлиқ соғайиши ва Чемпионлар лигасининг дастлабки чорак финал учрашувида (агар "Реал" ушбу босқичга чиқа олса) майдонга тушишга тайёр бўлиши кутилмоқда.
Жорий мавсумда Жуд Беллингем "Реал" сафида 28 та ўйинда иштирок этиб, 6 та гол урди ва 4 та голли узатмани амалга оширди. Февраль ойи бошида инглиз футболчиси тизза ости пайларини жароҳатлаб олган эди. "Реал"нинг Чемпионлар лигасидаги бўлажак ўйинларига тўхталадиган бўлсак, Испания клуби 1/8 финал босқичида Англиянинг "Манчестер Сити" жамоасига қарши баҳс олиб боради.
