Аргентиналик ярим ҳимоячи Франко Мастантуоно Мадриднинг «Реал» клуби сафидаги яқин орадаги учрашувларда иштирок этмаслиги мумкин. Бу ҳақда «AS» нашри журналистлари хабар бермоқда.
Манбанинг таъкидлашича, футболчи Испания чемпионатининг 26-тури доирасида кечган «Хетафе»га қарши уй учрашувида майдондан четлатилгани сабабли жазоланиши мумкин. Бош ҳакам билан баҳслашгани учун аргентиналик иқтидор эгасига Ла Лиганинг икки ёки учта ўйинига дисквалификация қилиниш хавфи соя солмоқда.
Эслатиб ўтамиз, «қироллик клуби» ўз майдонида кечган баҳсда кутилмаганда 0:1 ҳисобида «Хетафе»га имкониятни бой берган эди.
Жорий мавсумда Мастантуоно Испания чемпионатида 16 та учрашувда майдонга тушиб, ўз ҳисобига битта гол ёздириб қўйди. Ҳозирда «Реал» 60 очко билан турнир жадвалида иккинчи ўринни эгаллаб турибди.
