Бразилиянинг "Коринтианс" клуби ҳимоячиси Матеузиньо "туманли Альбион"га кўчиб ўтиши мумкин. 25 ёшли латерални ўз сафига қўшиб олишга Лондоннинг "Арсенал" клуби қизиқиш билдирмоқда, деб хабар беради Daily Arsenal.
Манбанинг маълумотларига кўра, "тўпчилар" раҳбарияти ҳимоячининг трансфери бўйича таклиф юборган. Матеузиньонинг трансферидан Лондон клуби устози Микель Артета шахсан манфаатдор.
Футболчининг бозор қиймати олти миллион еврога баҳоланмоқда. Томонлар ўртасидаги амалдаги шартнома муддати 2028 йилда якунига етади.
Жорий мавсумда Матеузиньо 13 та учрашувда иштирок этди ва битта гол уришга муваффақ бўлди.
