Франция Кубогининг 1/4 финал босқичидан ўрин олган баҳсда «Марсель» «Тулуза»дан мағлубиятга учради — 2:2 (пенальтилар серияси бўйича — 3:4). Ўйин Марселдаги «Велодром» стадионида бўлиб ўтди.

Провансалликлар ҳужумчиси Мэйсон Гринвуд 2-дақиқада пенальтини аниқ амалга ошириб, ҳисобни очди. Меҳмонлар тез орада мувозанатни тиклашди — Янн Гбоо ўз номини таблога ёздириб қўйди. Иккинчи бўлим бошида жамоалар яна голлар билан алмашишди: Игор Пайшан «ОМ»ни олдинга олиб чиққан бўлса, меҳмонлардан ҳимоячи Чарли Крессуэлл жавоб қайтарди.

Пенальтилар сериясида меҳмонлар аниқроқ ҳаракат қилишди — 4:3.

«Тулуза»нинг 1/2 финалдаги рақиби қуръа ташланганидан сўнг маълум бўлади.

Франция Кубоги. 1/4 финал
05.03.2026 | 01:00
«Велодром», Марсель

«МАРСЕЛЬ» — «ТУЛУЗА» — 2:2 (пенальтилар серияси — 3:4)
Голлар: Мейсон Гринвуд 2’-пенальти (1:0), Янн Гбоо 13’ (1:1), Игор Пайшан 56’ (2:1), Чарли Крессуэлл 60’ (2:2).

Пенальтилар серияси: Деннум (0:1), Гринвуд (1:1), Гбоо (1:2), Обамеянг (2:2), Сидибе (2:3), Балерди (2:3, дарвозабон), Кассерес (2:3, дарвозабон), Агерд (3:3), Диоп (3:4), Нванери (3:4, ноаниқ).

«Марсель»: Рульи, Балерди, Агерд, Медина, Веа, Абделли (Нванери, 46), Кондогбья, Вермерен (Надир, 58), Пайшан (Траоре, 90), Гринвуд, Обамеянг.

«Тулуза»: Хауг, Крессуэлл (Каманзи, 65), Маккензи, Николайсен, Диоп, Кассерес, Металь, Сидибе, Гбоо, Деннум, Эмерсонн (Рассел-Роу, 83).

Огоҳлантиришлар: Абделли (11), Гринвуд (35), Эмерсонн (37).