Fransiya Kubogining 1/4 final bosqichidan o‘rin olgan bahsda «Marsel» «Tuluza»dan mag‘lubiyatga uchradi — 2:2 (penaltilar seriyasi bo‘yicha — 3:4). O‘yin Marseldagi «Velodrom» stadionida bo‘lib o‘tdi.
Provansalliklar hujumchisi Meyson Grinvud 2-daqiqada penaltini aniq amalga oshirib, hisobni ochdi. Mehmonlar tez orada muvozanatni tiklashdi — Yann Gboo o‘z nomini tabloga yozdirib qo‘ydi. Ikkinchi bo‘lim boshida jamoalar yana gollar bilan almashishdi: Igor Payshan «OM»ni oldinga olib chiqqan bo‘lsa, mehmonlardan himoyachi Charli Kressuell javob qaytardi.
Penaltilar seriyasida mehmonlar aniqroq harakat qilishdi — 4:3.
«Tuluza»ning 1/2 finaldagi raqibi qur’a tashlanganidan so‘ng ma’lum bo‘ladi.
Fransiya Kubogi. 1/4 final
05.03.2026 | 01:00
«Velodrom», Marsel
«MARSEL» — «TULUZA» — 2:2 (penaltilar seriyasi — 3:4)
Gollar: Meyson Grinvud 2’-penalti (1:0), Yann Gboo 13’ (1:1), Igor Payshan 56’ (2:1), Charli Kressuell 60’ (2:2).
Penaltilar seriyasi: Dennum (0:1), Grinvud (1:1), Gboo (1:2), Obameyang (2:2), Sidibe (2:3), Balerdi (2:3, darvozabon), Kasseres (2:3, darvozabon), Agerd (3:3), Diop (3:4), Nvaneri (3:4, noaniq).
«Marsel»: Ruli, Balerdi, Agerd, Medina, Vea, Abdelli (Nvaneri, 46), Kondogbya, Vermeren (Nadir, 58), Payshan (Traore, 90), Grinvud, Obameyang.
«Tuluza»: Xaug, Kressuell (Kamanzi, 65), Makkenzi, Nikolaysen, Diop, Kasseres, Metal, Sidibe, Gboo, Dennum, Emersonn (Rassel-Rou, 83).
Ogohlantirishlar: Abdelli (11), Grinvud (35), Emersonn (37).
