«Милан» ҳимоячиси Первис Эступиньян Италия чемпионатининг 28-туридан ўрин олган «Интер»га қарши ўйиндаги (1:0) ғалаба голига изоҳ берди.
«Ҳа, бу фаолиятимдаги энг муҳим гол. Биз шу ҳафта давомида қаттиқ ишладик ва бу ўша меҳнатнинг натижасидир. Мураббий бўш ҳудудларга кириб бориш бўйича аниқ кўрсатма берган эди ва бу ўз самарасини берди. Биз бунинг устида ҳафта давомида тинимсиз ишладик, мураббий менга олдинга ўтишни айтганди ва мен керакли пайтни тўғри танлай олдим», — дея 28 ёшли эквадорлик футболчининг сўзларидан иқтибос келтиради DAZN.
Эступиньян 2025 йилнинг июль ойидан буён «Милан» шарафини ҳимоя қилиб келмоқда. 2025/26 йилги мавсумда у 18 та ўйинда майдонга тушиб, битта гол урди ва битта голли узатмани амалга оширди.
