Леверкузеннинг "Байер" клуби ўз майдонида Чемпионлар Лигаси 1/8 финалидан ўрин олган дастлабки ўйинда "Арсенал" билан дуранг ўйнади — 1:1. Учрашув Леверкузендаги "БайАрена" стадионида бўлиб ўтди.
Ўйиннинг 46-дақиқасида мезбонлар сардори Роберт Андрих ҳисобни очди. Асосий вақт тугашига бир дақиқа қолганда "канонирлар" мувозанатни тиклашга муваффақ бўлишди — илгари "Байер" шарафини ҳимоя қилган ярим ҳимоячи Кай Хаверц пенальтини аниқ амалга оширди.
Жавоб учрашуви 17 март куни Лондондаги "Эмирейтс" стадионида бўлиб ўтади.
УЕФА Чемпионлар лигаси. 1/8 финал
11.03.2026 | 22:45
«БайАрена», Леверкузен
«БАЙЕР» (Германия) — «АРСЕНАЛ» (Англия) — 1:1
Голлар: Андрих 46 (1:0), Хаверц 89 — пенальтидан (1:1).
«Байер»: Бласвих, Тапсоба, Андрих, Куанса, Гримальдо, Гарсия, Паласиос (Фернандес, 81), Поку, Маза (Тилльман, 74), Террье (Хофманн, 81), Кофане.
«Арсенал»: Райя, Инкапье, Габриэл Магальяйнс, Салиба, Тимбер, Райс, Субименди, Мартинелли, Эзе (Габриэл Жезус, 82), Сака (Мадуэке, 60), Дьекереш (Хаверц, 74).
Огоҳлантиришлар: Андрих (2), Поку (58), Паласиос (63) — Мартинелли (26), Субименди (69).
