«Интер» клуби ҳимоячи Карлос Аугусто билан шартномани узайтиришни режалаштирмоқда.
Журналист Паскуаль Гуарронинг маълумотларига кўра, Милан клуби 27 ёшли футболчига мавсумига 3,2 миллион евро маош кўзда тутилган янги битим таклиф қилган. Бразилиялик футболчи эса йилига 4 миллион евро олишни истамоқда. Шунингдек, Аугусто фаолиятини давом эттириш учун бошқа вариантларни ҳам ўрганмоқда. У ўзига асосий таркибдан жой кафолатлайдиган жамоа топмоқчи, чунки «Интер»да у асосий таркиб ўйинчиси ҳисобланмайди.
Карлос Аугусто 2024 йилда «Монца»дан 14 миллион евро эвазига «Интер»га ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда ҳимоячи Милан клуби сафида барча турнирларда 35 та ўйинда майдонга тушиб, 2 та гол урди ва 2 та голли узатмани амалга оширди.
