«Реал» Чемпионлар лигасида «Манчестер Сити»ни 3:0 ҳисобида мағлуб этди. Агар Винисиус Жуниор пенальтини аниқ амалга оширганида, «шаҳарликлар» учун ҳаммаси бундан ҳам ёмонроқ тугаши мумкин эди. Бироқ, бразилиялик футболчи «нуқта»дан Жанлуижи Доннаруммани доғда қолдира олмади.
Пенальти Доннарумманинг Винисиусга нисбатан ишлатган фоли учун белгиланган эди. Италиялик дарвозабон бу вазиятда сариқ карточка билан ҳам жазоланди. Шундан сўнг Доннарумма ўз ватандоши бўлган ҳакам Маурицио Марианига мурожаат қилди.
«Нега ўзингни муҳим шахсдек тутяпсан? Сен ўзингни муҳим шахсдек тутяпсан, сен ўзингни шундай тутяпсан...» — деди Доннарумма ҳакамга. Бу ҳақда Tuttosport нашри хабар бермоқда.
«Манчестер Сити» ва «Реал» ўртасидаги жавоб учрашуви 17 март куни бўлиб ўтади.
