"Реал" бош мураббийи Альваро Арбелоа Испания чемпионати доирасида "Эльче"га қарши бўлиб ўтадиган ўйин ҳақида ўз фикрларини билдирди.
"Биз Ла Лига чемпионлик унвони учун курашяпмиз ва бу биз учун жуда муҳим ўйин. Стадионда "Манчестер Сити"га қарши баҳсдаги каби муҳит бўлишини истаймиз. Қандай рақибга қарши майдонга тушишимизни яхши биламиз. "Эльче" тўплаган очколарига қараганда анча яхшироқ ўйин кўрсатмоқда. Биз қўшимча куч сарфлашга тайёрмиз. Диққатни жамлашимиз ва юқори мотивация билан ҳаракат қилишимиз шарт", — деди Арбелоа матбуот анжуманида.
"Реал" — "Эльче" учрашуви 14 март куни Тошкент вақти билан соат 01:00 да бошланади.
