Қишки трансфер ойнасида «Реал» Эндрикни мавсум якунига қадар ижара асосида «Лион»га бериб юборган эди.
Манбанинг ёзишича, ёзда футболчи «Реал Мадрид»га қайтади. Ҳужумчининг жамоадаги роли кўп жиҳатдан мураббийлар штабининг режаларига боғлиқ бўлади.
Клуб Эндрикка ўсиш учун имконият бермоқчи. Аммо «қаймоқранглилар» футболчи таркибдан жой олиш учун жуда катта рақобатга бардош бериши кераклигини тушуниб туришибди.
Агар ҳужумчи Ла Лига суръатига тез мослашиб олса, у ротациядаги муҳим фигурага айланиши мумкин. Эндрикнинг ўзи «Реал»да ўйнашни истайди. Ҳужумчи Испания клубига қайтиш борасида катта иштиёқ намойиш этмоқда.
