«Манчестер Юнайтед» дарвозасини қўриқлаётган Сенне Ламменс ўйин олдидан бажарадиган қизиқарли одати ҳақида гапириб берди.
«Қизил иблислар» голкипери экипировкаларини тез-тез алмаштириб туришини ва уларни ҳар бир учрашувга алоҳида тайёрлашини тан олди.
«Ҳар бир ўйинга янги жуфт қўлқоп кияман. Ўйиндан олдинги машғулотдан аввал қўлқоплар тўпни яхшироқ тутиши учун уларни жакузида ушлаб туришни яхши кўраман», — деди Ламменс.
Жорий мавсумда 23 ёшли дарвозабон барча турнирларда 28 та ўйинда иштирок этиб, 35 та гол ўтказиб юборди. Бельгиялик посбон бешта учрашувда ўз дарвозаси дахлсизлигини сақлаб қолди.
