«Барселона» спорт директори Деку ярим ҳимоячи Марк Берналь мавсум бошида жамоани тарк этиши мумкин бўлганлигини маълум қилди.
Ўтган йилнинг ёзида ёш таянч ярим ҳимоячиси тиззанинг хочсимон пайлари йиртилишидан сўнг тикланди — ушбу жароҳат туфайли у деярли бир йилни ўтказиб юборган эди.
«Мавсум бошида Берналнинг келажаги борасида маълум бир ноаниқлик мавжуд эди. Кўплаб клублар уни ижарага олишни исташганди, бироқ якунда мураббий унга ўз имкониятларини кўрсатиш учун имкон бериши мақсадида уни таркибда олиб қолишга қарор қилдик», — дея Barca Universal Декунинг сўзларидан иқтибос келтирмоқда.
Марк Берналь жорий мавсумда «кўк-анорранглилар» сафида 24 та ўйинда иштирок этиб, тўртта гол ва битта голли узатмани амалга оширди. Май ойида истиқболли ярим ҳимоячи 19 ёшга тўлади.
