Дортмунднинг «Боруссия» клуби ҳужумчиси Серу Гирасси Испанияга кўчиб ўтиши мумкин. Футболчига «Барселона» қизиқиш билдирмоқда, деб ёзади fichajes.net нашри.

Таъкидланишича, ушбу трансфердан каталонияликлар бош мураббийи Ханси Флик шахсан манфаатдор. Германиялик мутахассис Гирасси жамоада келаётган ёзда кетишга яқин турган польшалик Роберт Левандовскининг ўрнини боса олишига ишонмоқда.

Гирассига, шунингдек, «Тоттенхэм» ҳам даъвогарлик қилмоқда. Лондон клуби вакиллари 30 ёшли гвинеялик футболчининг ўйинини шахсан кузатиб боришган.

Ҳужумчининг «Боруссия» билан амалдаги шартномаси 2028 йилнинг ёзига қадар мўлжалланган. Transfermarkt портали Гирассини 40 миллион еврога баҳоламоқда. Жорий мавсумда ҳужумчи Бундеслигада 25 та ўйин ўтказиб, 12 та гол урди ва 2 та голли узатмани амалга оширди.