«Реал» ҳимоячиси Антонио Рюдигер матбуот анжуманида «Манчестер Сити» ҳужумчиси Эрлинг Холандни қандай қилиб тўхтатаётгани ҳақидаги саволга жавоб берди.
«Мен статистика ҳақида жуда кўп ўйламайман. Унга катта аҳамият бермайман — булар шунчаки рақамлар. Умумий босқичдаги ўйинда (Чемпионлар Лигаси гуруҳ босқичи назарда тутилмоқда) Холанд мендан яхшироқ ҳаракат қилган эди... Менга бундай кучли ҳужумчиларга қарши ўйнаш ёқади. Бундай дуэллардан завқ оламан. Аммо ҳимояда мен ёлғиз эмасман. Дин Хёйсен ҳам ўтган ўйинда ажойиб ҳаракат қилди. Жавоб учрашувини интизорлик билан кутяпман», — деди Рюдигер матбуот анжуманида.
