«Реал» қаторасига учинчи мавсум «Манчестер Сити»ни Чемпионлар лигасидан чиқариб юборди.

Мадридликлар турнирнинг 1/8 финали доирасидаги ҳар иккала ўйинда ҳам ғалаба қозонишди (3:0, 2:1).

Ўтган мавсумда «Реал» ЧЛ 1/8 финалига чиқиш учун кечган саралаш (плей-офф) босқичида «шаҳарликлар»дан устун келган эди (2:3, 3:1). 2023/24 йилги мавсумда эса «қаймоқранглилар» 1/4 финал босқичида «Манчестер Сити»ни мусобақадан чиқариб юборишган (1:1, пенальтилар бўйича 5:4, дастлабки ўйин — 3:3).

Охирги марта «Реал» 2022/23 йилги мавсумда «Манчестер Сити» тўсиғидан ўта олмаган эди — ўшанда мадридликлар ярим финалда имкониятни бой беришган (1:1, 0:4), Пеп Гвардиола жамоаси эса якунда турнир ғолибига айланганди.