«Манчестер Сити» ярим ҳимоячиси Бернарду Силва Туриннинг «Ювентус» клуби қизиқишлари доирасига тушди. Бу ҳақда Gazzetta dello Sport нашри хабар бермоқда.
Манбанинг таъкидлашича, «Ювентус» «Ньюкасл» аъзоси Сандро Тоналига бўлган қизиқиши совиганидан сўнг, ўз эътиборини Силвага қаратмоқчи. Аввалроқ, португалиялик футболчи мавсум якунлангач, шартномаси муддати тугаши билан «Манчестер Сити»ни тарк этиши мумкинлиги ҳақида хабар берилган эди.
Жорий мавсумда 31 ёшли Силва барча турнирлар доирасида 41 та ўйинда иштирок этиб, 3 та гол урди ва ўз ҳисобига 5 та голли узатмани ёздириб қўйди.
Transfermarkt портали мутахассислари ярим ҳимоячининг нархини 27 миллион еврога баҳоламоқдалар.
