18 март куни УЕФА Чемпионлар лигаси 1/8 финал босқичининг сўнгги жавоб ўйинлари бўлиб ўтди. Шундан сўнг, Opta статистик компаниясининг суперкомпьютери жамоаларнинг ушбу турнирдаги ғалаба қозониш имкониятлари бўйича янги ҳисоб-китобларни амалга оширди.

Ўтган йилги финалда Миланнинг «Интер» клубини мағлуб этган мусобақанинг амалдаги ғолиби — «ПСЖ» — бу сафар бор-йўғи 11,87% имконият билан тўртинчи ўринни эгаллади. Аввалги ҳисоб-китобларда бўлгани каби, биринчи ўрин Лондоннинг «Арсенал» клубига насиб этди (29,73%). Кейинги ўринлардан эса «Бавария» (18,33%) ва «Барселона» (15,66%) жой олди.

Бошқа жамоалар — «Реал», «Ливерпуль», «Атлетико» ва «Спортинг»нинг чемпионлик имкониятлари 10% дан паст баҳоланди.

Эслатиб ўтамиз, чорак финалда «Реал» – «Бавария», «Спортинг» – «Арсенал», «Барселона» – «Атлетико» ҳамда «ПСЖ» – «Ливерпуль» жуфтликлари ўзаро баҳс олиб боришади.