Марокаш терма жамоаси учун йил драматик воқеалар билан бошланди — аввалига ўз майдонида ўтган Африка Кубоги финалидаги мағлубият, сўнгра Валид Реграгининг истеъфоси ва унинг ўрнини Моҳамед Уахби эгаллагани маълум бўлди. У аввалги бош мураббий эришган натижаларни янада ривожлантиришга умид қилмоқда.
«Менинг мақсадим — Жаҳон чемпионатида муносиб натижага эришиш. Ҳозир олдинга қараш ва келажак ҳақида ўйлаш муҳим. Қолган масалалар бўйича эса ўз фикримни айтиб бўлдим», — дея Уаҳбининг сўзларидан иқтибос келтирмоқда derbyderbyderby.it нашри.
Эслатиб ўтамиз, ўтган Жаҳон чемпионатида Марокаш терма жамоаси ўз тарихида илк бор ярим финалгача етиб борган эди.
