«Манчестер Сити» бош мураббийи Пеп Гвардиола Африка футбол конфедерациясининг Африка Миллатлар Кубоги финалида Марокашга ғалаба бериш ва Сенегалга 0:3 ҳисобида техник мағлубият ёзиш ҳақидаги қарорига муносабат билдирди.
«Бу ҳайратланарли. Менда аниқ бир фикр йўқ, чунки сабабларидан хабарим йўқ. Ҳеч нарса ўқимадим, кўрмадим ҳам.
Бироқ, бу қарор парда ортида қабул қилинган. Биз бундай ҳолатлар ҳамма жойда содир бўлаётганини кўриб турибмиз. Бу каби ишлар доим парда ортида бўлади ва биз қарор қабул қилувчиларнинг юзларини кўрмаймиз.
Сўнгги пайтларда футболда ҳам, дунёнинг бошқа соҳаларида ҳам шундай ҳодисалар кузатилмоқда», — деди «Манчестер Сити» бош мураббийи.
