«Manchester Siti» bosh murabbiyi Pep Gvardiola Afrika futbol konfederasiyasining Afrika Millatlar Kubogi finalida Marokashga g‘alaba berish va Senegalga 0:3 hisobida texnik mag‘lubiyat yozish haqidagi qaroriga munosabat bildirdi.

«Bu hayratlanarli. Menda aniq bir fikr yo‘q, chunki sabablaridan xabarim yo‘q. Hech narsa o‘qimadim, ko‘rmadim ham.

Biroq, bu qaror parda ortida qabul qilingan. Biz bunday holatlar hamma joyda sodir bo‘layotganini ko‘rib turibmiz. Bu kabi ishlar doim parda ortida bo‘ladi va biz qaror qabul qiluvchilarning yuzlarini ko‘rmaymiz.

So‘nggi paytlarda futbolda ham, dunyoning boshqa sohalarida ham shunday hodisalar kuzatilmoqda», — dedi «Manchester Siti» bosh murabbiyi.