Ханс-Дитер Флик бошчилигидаги дастлабки 105 та ўйинда «Барселона» рақиблар дарвозасига 298 та тўп киритди. Чемпионлар лигаси 1/8 финалининг жавоб учрашувида каталонияликлар «Ньюкасл»ни 7:2 ҳисобида мағлуб этди.

Шу тариқа, жорий мавсумдаги барча турнирлар доирасидаги 45 та расмий ўйинда «Барселона» 124 маротаба рақибларини ранжитди — бу ҳар бир баҳсга ўртача 2,75 та гол демакдир. Таққослаш учун, ўтган 2024/2025 йилги мавсумда «кўк-анорранглилар» 60 та расмий учрашувда 174 та гол уришган эди.

Бундан ташқари, жамоа Хосеп Гвардиола давридаги сермаҳсуллик кўрсаткичидан ўзиб кетди. 2008/2009 ва 2009/2010 йилги мавсумларда Гвардиола қўл остида «Барселона» худди шунча — 105 та ўйинда 254 та гол киритганди.

Флик иш бошлагандан буён клуб Испания чемпионати, мамлакат Кубоги ва икки марта Суперкубокни қўлга киритишга улгурди.