Лондоннинг «Челси» клуби аргентиналик ярим ҳимоячи Энцо Фернандес билан хайрлашиши мумкин. Бу ҳақда Tyc Sports журналистлари хабар бермоқда.

Манбанинг маълумотларига кўра, Мадриднинг «Реал» клуби ярим ҳимоячини ўз сафига қўшиб олмоқчи. «Қироллик клуби» раҳбарияти юлдуз футболчининг трансфери учун тахминан 120 миллион евро ажратишга тайёр.

Фернандеснинг ўзи ҳам иқлим сабабли клубни алмаштиришга қарши эмас. Ярим ҳимоячи қуёшлироқ мамлакатга кўчиб ўтишни истамоқда.

Жорий мавсумда Энцо «аристократлар» сафида 46 та ўйинда майдонга тушди. Ярим ҳимоячи ўз ҳисобига 12 та гол ва 6 та голли узатмани ёздириб қўйди. Томонлар ўртасидаги амалдаги шартнома муддати 2032 йилнинг ёзида якунига етади.