Аввалига Қаршининг «Насаф» клубида фаолият кўрсатиб, кейинчалик  ташкил этилган «Шўртан» футбол клубига ишга ўтган, «Шўртан» биринчи лигада қатнашиб юрган кезларида жамоа билан доим бирга бўлган, Олий лигага чиқишига ўз хизматлари билан муносиб ҳисса қўшган, юқори дивизионда ҳам клуб учун сезиларли ишларни амалга оширган, бир қатор шогирдларнинг устози, уч нафар фарзанднинг отаси, «Шўртан» футбол клуби шифокори - Шариф Каримов кеча кутилмаганда оламдан ўтди.

«Шўртан» футбол клубида шифокор бўлиб ишлаётган Алишер Абдураҳмонов ва клуб массажчиси Нурбек Жўраевларнинг устози, «Шўртан» ёшлар жамоаси дарвозабони - Жаҳонгир Каримовнинг отаси Шариф Каримов ҳаёт бўлганларида шу йил 50 ёшни қарши олган бўларди!

«Шўртан» футбол клубининг барча ҳодимлари, клуб футболчилари, жамоанинг минглаб мухлислари номидан Шариф Каримовнинг оила-аъзоларига чуқур таъзиямизни изҳор этамиз!