«Барселона» клуби собиқ президенти Хосеп Бартомеу, у клуб раҳбари бўлган даврда трансфер қарорларини амалда Лионель Месси қабул қилганлиги ҳақидаги миш-мишларни инкор этди. Маълумки, Месси «Барселона»нинг 21-аср тарихидаги энг асосий футболчиси ҳисобланади.
«Ҳамма Лео «Барселона»да ўйнаган кезларидаги гўёки чексиз қудрати ҳақида гапиради, лекин у трансферлар ёки мураббийларни тайинлаш масалаларини ҳал қилмаган. Унинг фикри фақат спортга оид масалалардагина сўралар эди», — дея Бартомеунинг сўзларини келтиради AS нашри.
Эслатиб ўтамиз, Лионель Месси 2021 йилнинг ёзида «Барселона»ни тарк этиб, Франциянинг «ПСЖ» клубига йўл олган эди. Ҳозирда у Шимолий Америкада фаолият юритмоқда.
