«Barselona» klubi sobiq prezidenti Xosep Bartomeu, u klub rahbari bo‘lgan davrda transfer qarorlarini amalda Lionel Messi qabul qilganligi haqidagi mish-mishlarni inkor etdi. Ma’lumki, Messi «Barselona»ning 21-asr tarixidagi eng asosiy futbolchisi hisoblanadi.
«Hamma Leo «Barselona»da o‘ynagan kezlaridagi go‘yoki cheksiz qudrati haqida gapiradi, lekin u transferlar yoki murabbiylarni tayinlash masalalarini hal qilmagan. Uning fikri faqat sportga oid masalalardagina so‘ralar edi», — deya Bartomeuning so‘zlarini keltiradi AS nashri.
Eslatib o‘tamiz, Lionel Messi 2021 yilning yozida «Barselona»ni tark etib, Fransiyaning «PSJ» klubiga yo‘l olgan edi. Hozirda u Shimoliy Amerikada faoliyat yuritmoqda.













